Educazion stradâl, cuasi 400 i fruts che a partecipin

Cjapâ sù i principis di fonde de sigurece stradâl in maniere di movisi su lis stradis cun cussience des regulis e dai pericui bielzà di fruts. Cun chest obietîf si à tornade a inviâ une gnove session di ativitâts di educazion stradâl puartade indenant de polizie locâl intes scuelis di Udin. A vê a son 8 lis scuelis de infanzie e 7 chês primariis che a àn za dât la lôr adesion al progjet par un totâl di cuasi 400 fruts. Se pai plui piçui il program al previôt la spiegazion dai compuartaments e des regulis di fonde par vivi la strade in sigurece, i fruts des primariis a varan la pussibilitât di imparâ a cognossi dute la segnaletiche e i ponts plui impuartants dal codiç de strade in maniere di savê cemût movisi in sigurece tant che pedons, cicliscj o passizîrs. Pai fantacins des scuelis secondariis, invezit, si tornarà a proponi il progjet “Students in patulie” che ur permetarà di compagnâ i agjents de polizie locâl intant des lôr ativitâts di servizi su lis stradis de citât. L’an passât chest progjet al veve cjapât dentri 652 students.