Cerimonie pe “Julia”, limitazions pal trafic

Ta chestis zornadis la viabilitât citadine e varà des modifichis par vie de cerimonie par dâi il bon acet ai alpins de brigade “Julia” tornâts dal Afghanistan. Di siet di buinore di joibe ai 3 di Otubar a dôs dopomisdì di vinars ai 4 di Otubar no si pues lassâ la machine tes areis di soste sot de culine dal cjistiel e ta chês de elìs di Zardin Grant (place Primo Maggio). Cun di plui, joibe tra une e cinc dopomisdì (13.00 – 17.00) e vinars tra sîs di buinore e dôs dopomisdì (06.00 – 14.00) al sarà ancje proibît passâ pe place (dute la aree cjapade dentri tra place Patriarcato, slarc delle Grazie e viis Verdi, D’Azeglio e Liruti). Altris limitazions a saran in vore vinars a matine intant de sfilade de brigade dilunc des stradis interessadis de manifestazion.