Ancje Udin e aderìs ae setemane de mobilitât

Adun cun altris 116 citâts talianis ancje il Comun di Udin al aderìs ae “European Mobility Week”, la setemane de mobilitât promovude de Union Europeane dai 16 ai 22 di Setembar. La iniziative, che dal 2001 e invide lis citâts europeanis a inmaneâ azions e events in teme di mobilitât sostignibile, e ponte a incressi la cussience dai citadins in mert aes tematichis e aes sperimentazions indreçadis a sbassâ l’impat dal sisteme dai traspuarts. Lis iniziativis pe setemane europeane de mobilitât a cjaparan dentri dute la setemane e si sieraran domenie ai 22 di Setembar cul centri citadin cence mieçs a motôr e la Maratonine Città di Udine in program a 9 di matine cun partence di plaçâl Cella.