Par Friuli Doc, servizis in plui sul front dai traspuarts

Intes zornadis di Friuli Doc (dai 12 ai 15 di Setembar) si varan novitâts ancje sul front de mobilitât. Cul biliet normâl dal bus di 1,20 euros si podarà zirâ ta chei dîs par sîs oris. Simpri par chel che al rivuarde i autobus citadins, i oraris a saran slungjâts in cualchi câs ancje fin a une e mieze di gnot. A jessi potenziadis a saran ancje lis corsis de linie feroviarie Udin – Cividât. Par cui che invezit al rive in citât in machine, i autoparcs in struture a restaran vierts in jentrade fintremai la une di gnot joibe e domenie e fin cuatri di matine vinars e sabide.