Sierât al trafic il sotpàs che al mene in vie Marsala

Il Comun al fâs savê che, par permeti ae Amga di fâ dai lavôrs su la rêt dal gas, a tacâ di vuê il sotpàs che di vie De Rubeis al puarte in vie Marsala al è sierât al trafic. La sierade dal passaç e je in vore dome pai veicui privâts, intant che lis liniis dai autobus no varan variazions. A van intant indenant i lavôrs de Amga ancje alì dal sotpàs di plaçâl D’Annunzio. I doi cantîrs a son vierts intal stes moment par permeti ae imprese che e je daûr a fâju di puartâju insom prime. Cun di fat, i lavôrs in plaçâl D’Annunzio invezit di finî sabide ai 31 di Avost, cemût che si previodeve sul imprin, si sieraran joibe ai 29 di Avost.