Si svicine la sierade di diviers cantîrs ator pe citât

Ultimis setemanis di ativitât par tancj dai cantîrs in vore in citât dilunc vie dal Astât e si svicine duncje ancje la fin pes limitazions al trafic che a àn interessât une part de viabilitât comunâl. La sierade dal sotpàs jenfri plaçâl D’Annunzio e viâl Palmanova e va indenant fintremai i 31 di Avost, intant che, simpri par permeti l’intervent de Amga ta cheste aree, di lunis ai 26 di Avost e fin ai 6 di Setembar e je previodude la sierade de trate là che si incrosin vie Cernaia e vie Marsala. In plaçâl XXVI Luglio i lavôrs a van indenant fintremai la fin dal mês intant che in plaçâl Cella il cantîr al è cuasi insom e si à za tacât a sierâ i sgjâfs fats. Ultimis zornadis di lavôr ancje in vie Chiusaforte e in vie Birago. Vie Montello e je invezit bielzà vierte ancje se a son ancjemò in vore dai piçui lavôrs. In plaçâl Osoppo la circolazion e tornarà normâl cun martars ai 27 di Avost ancje se i lavôrs a laran indenant fintremai i 2 di Setembar. La dì prime, lunis ai 26 di Avost, a tornin a partî i lavôrs sui marcjepîts di vie Alba e tachin chei in vie Baldasseria Media, ma i doi cantîrs a varessin di rivâ insom prime che al scomenci l’an scolastic. Lavôrs dal Enel e di Sirti a son invezit in program tes prossimis setemanis tra viâl Venezia e vie Birago e in place Patriarcato, ma cence che si vedi di fermâ la circolazion.