Autoparc sot tiere in Zardin Grant, lunis si tache cul cantîr

Rivâts insom ancje i ultins passaçs burocratics che a coventavin, cun lunis ai 5 di Lui lis areis al centri dal intervent par fâ sù il gnûf parc machinis sot tiere in Zardin Grant a saran consegnadis ae imprese che e fasarà i lavôrs. Si tacarà a meti jù i limits dal cantîr e la segnaletiche leade aes modifichis che i lavôrs a puartaran pe viabilitât. Si tache cu la sierade in jessude di vie Portanuova e di vicul dell’Isola. Viâl della Vittoria invezit nol varès di jessi interessât di limitazions almancul fin al mês di Otubar.