A tachin lis iscrizions pai cors di educazion stradâl

Cui 31 di Lui al è pussibil iscrivisi aes lezions di educazion stradâl inmaneadis de polizie municipâl di Udin. I incuintris a son sore nuie e si tignaran alì de aule didatiche dal comant de polize municipâl di vie Girardini tra i mês di Otubar e Dicembar (e je stade fissade une cuote minime di adesions tra lis 15 e lis 20 personis par ogni cors). Par svilupâ pal miôr la ativitât didatiche, prime che lis lezions a partissin, a saran valutâts i nivei di cognossince dai corsiscj che a saran po tornâts a misurâ ancje ae fin dal cors. Intant des lezions si fevelarà di limits di velocitât, precedence, sorpàs, distancis di sigurece, ûs dal casc e des cinturis, vuide sot dai efiets dal alcul, compuartaments in câs di incident e di ducj i argoments che a puedin vê un interès plui alt pai citadins. E sarà ancje la ocasion par viodi cualis che a son lis diferencis principâls tra il codiç de strade vieri e chel gnûf. Par iscrivisi si pues contatâ la sale operative dal Comant al 0432 271333 (domandant dal ufici segretarie dal comandant) o scrivi ae direzion poliziamunicipale@comune.udine.it .