Cun Setembar deviâts fûr de citât ducj i trens de gnot

“Dentri di Setembar ducj i trens che cumò a passin in citât vie pe gnot a saran deviâts su la circonvalazion, ma za cui 15 di Lui, par trê gnots su siet, un pôcs di trens a saran deviâts su chê trate”. A comunicâlu al è il sindic, Furio Honsell, cun riferiment aes sigurazions rivadis de direzion di Trenitalia dopo dal interessament de aministrazion comunâl e de mobilitazion dai citadins che a domandin di puartâ fûr de citât il passaç dai trens ache cumò a scjavacin lis viis Cividale, Buttrio, del Bon e Vât. “Par chel che nus rivuarde – al à zontât il sindic – o larìn dilunc a scoltâ i citadins e a mediâ cu la direzion di Trenitalia par che lis domandis legjitimis de citadinance a vegnin fatis buinis”.