Limitazions al trafic par Sante Catarine

A Udin e torne la fiere di Sante Catarine, la plui antighe de citât, che e vierzarà joibe ai 22 di Novembar par sierâsi domenie ai 25. Par permeti il davuelzisi de manifestazion cun vuê a tachin a jentrâ in vore lis limitazions al trafic inte aree di Zardin Grant. Tai prins doi dîs al sarà sierât al trafic dome la part interne dal anel di circolazion de place. Cu la matine dai 21 e fin a misdì dai 26 e jentrarà in vore la proibizion di passaç par ducj i veicui inte aree cjapade dentri tra viâl de Vitorie, place Prin di Mai e slarc des Graciis. Po la viabilitât e tornarà in maniere graduâl ae normalitât.