Si slargje la rêt dai orts urbans
La rêt dai orts urbans si insiore cuntune gnove aree intal cuartîr di Udin Sud. Vuê di matine si à vude la scree dal gnûf ort urban di vie Zucchi, un spazi di 14 lots indotâts di irigazion, spazis comuns, bancjinis, camarins, compostadôr e spazis pai imprescj. I lots a son stâts assegnâts a fameis e anzians, ma ancje a scuelis e a associazions. A assegnâju a son stâts il sindic Furio Honsell, la assessore pe planificazion teritoriâl, Mariagrazia Santoro, e il conseîr comunâl delegât Carlo Giacomello.