Novitâts te gjestion dai implants di balon circoscrizionâi

La Zonte comunâl e à fat bon vuê, martars prin di Dicembar, il stampon di convenzion pe concession in ûs e in gjestion dai implants di balon comunâl di interès circoscrizionâl, o sei il “G. Centazzo” di vie Joppi – vie della Roggia, il “B. Rigo” di vie Basiliano e chei di vie Barcis e in Cormôr Bas. Si trate di un model gnûf di gjestion che al à vût il vie libare ancje de FIGC e de Leghe dai diletants. Il concessionari al varà di garantî l’ûs public dal complès sportîf cence discriminazions di sorte. L’ûs dal implant al varà di jessi dedicât aes ativitâts di interès primari pal teritori e pe int che e je a stâ ta chê circoscrizion, ancje cun chê di promovi la pratiche sportive tra i fruts e i fantats de aree. Cun di plui, il concessionari al varà il dirit di gjestî in propri o di dâ in concession ciertis ativitâts tant che la publicitât visive dentri dal implant o i servizis di ristorazion ufierts intant des manifestazions.