Scovacis, il Comun al sosten il panzit ecologjic

Il Comun al judarà cuntun contribût lis fameis che a compraran pai fruts panzits ecologjics lavabii. Inte setemane europeane pe diminuzion des scovacis, che e cole dai 21 ai 29 di Novembar, la Aministrazion e fas partî une iniziative par sbassâ une des sezions di refudums secs plui gruessis e plui dificilis di smaltî. Il panzit nol è dome un element dificil di gjestî intai refudons, ma ancje un grues cost par lis fameis. Doprâ il panzit al puartarès un sparagn medi di plui di mil euros par famee. Ve ca spiegât parcè che il Comun al à decidût di sostignî, cuntun stanziament di 3 mil euros, i panzits ecologjics. Il contribût, che al cuvierzarà il 50% de spese sostignude fin a 120 euros par frut, al sarà dât aes fameis cun fîs fin a 3 agns residents intal teritori dal comun e dopo che a àn comprât almancul 10 panzits. Il benefici al vignarà dât aes personis che a àn dirit daûr dal ordin di rivade des domandis e fintremai la fin des risorsis. Lis modalitâts di acès al contribût si lis cjatarà intun bant che al sarà publicât intai prossims dîs.