Dai 17 ai 22 di Novembar “Nati per leggere”

E torne ancje a Udin la setemane di “Nati per leggere”. Dai 16 ai 22 di Novembar a saran 14 i apontaments indreçâts ae leture par fruts. A vierzi la iniziative a saran doi apontaments in program lunis ai 17 di Novembar. Il prin, “Storiolando”, al è indreçât ai fruts dai 4 ai 8 agns e al è in program a 17 inte biblioteche de Cuarte Circoscrizion, in vie Pradamano, il secont “Tantilibri”, al è invezit pai pai fruts dai 18 ai 36 mês e al è in program simpri a 17, inte sezion Ragazzi de biblioteche civiche “V.Joppi”. Leturis e laboratoris a laran indenant vie pe setemane intes bibliotechis e librariis citadinis. Il Comun al segnale l’ apontament cun “Favole al telefono”, in program joibe ai 17, di 16 a 19. Al bastarà clamà i numars 0432-1272748 o 0432-272588 par scoltà lis storiis al telefon. Al è invezit par gjenitôrs l’ incuintri “Un mondo di libri: cosa e come leggere ai bambini prima della scuola”, inmaneât dal asîl nît Ghirigoro di vie Caprera. Par dute la setemane i letôrs volontaris di Tileggounastoria a saran presints intes scuelis de infanzie citadinis. Cun di plui intes zornadis de manifestazion e sarà in vore la campagne “Dona un libro ai Nati per leggere”, realizade in colaborazion cu lis libraris Feltrinelli, Friuli, Giunti, Modetrna, Pecora Nera e Ubik. Il program de iniziative al è disponibil sul sît www.sbhu.it/udine/ragazzi. Par informazions in plui si pues ancje clamà il numar 0432-271585.