“Far sport – Oltre la crisi” domandis fin ai 30 di Novembar

Al è ancjemò cualchi dì par presentâ domande pal contribût comunâl “Far sport – Oltre la crisi”. Cun di fat, al è stât slungjât fintremai i 30 di Novembar il tiermin par presentâ lis domandis par gjoldi di un contribût economic dal 50% e fin a di un massim di 150 euros, par cuvierzi lis spesis che lis fameis a varan par iscrivi i fîs a di une dissipline sportive dilunc vie dal an scolastic 2015-2016. Il benefici, che al sarà dât fûr fintremai che no saran finîts i fonts a disposizion, al è indreçât a fruts e fantacins tra i 5 e i 17 agns che a vegnin di fameis che a àn une certificazion Isee che no passe i 12 mil euros. Lis domandis a varan di jessi presentadis daûr des modalitâts spiegadis sul sît www.comune.udine.it .