Miercus “Misure il to respîr”, ma al saltarà in Novembar

Miercus ai 21 di Otubar e torne la campagne “Misure il to respîr” metude adun de Associazion Insuficients Respiratoris dal Friûl – Vignesie Julie cul ufici “Citâts Sanis” dal Comun cun chê di promovi la culture de prevenzion cul sensibilizâ la popolazion al rispiet de sô salût. Ta chê zornade, tra nûf di matine e misdì (9.00 – 12.00), il distret sanitari di Udin al ufrìs la pussibilitât di fâ des provis su lis funzionalitâts de respirazion. Lis visitis, fatis cu la presince di un miedi pneumolic e di un tecnic de respirazion, a son sore nuie e si davuelzin cence bisugne di impegnative. Cui che al è interessât al à di presentâsi alì dal ufici informazions dal distret sanitari di vie S. Valentino 20 tra vot e vot e mieze de buinore (8.00 – 8.30) di miercus par prenotâ il test e ritirâ il cuistionari. Lis provis, in program intal ambulatori dal prin plan, a saran fatis inte stesse zornade tra nûf di matine e misdì. Par informazions si pues contatâ la AIR (vie Diaz, 60; telefon e fax: 0432 294761; pueste eletroniche: air.udine@libero.it) o l’ufici “Citâts Sanis” dal Comun (0432 271384 o healthy.cities@comune.udine.it). I uficis de Aziende Sanitarie a visin ancje che il servizi ufiert di “Misure il to respîr” al sarà suspindût in Novembar par tornâ po in maniere regolâr cul mês di Dicembar.