Cun vuê in vore l’orari invernâl tai Museus Civics

I Museus Civics dal Comun a informin che a tacà di vuê, martars ai 29 di Setembar, al jentrarà in vore l’ orari invernâl. Fin al Prin di Mai dal 2016, duncje, il museu dal Cjistiel, Cjase Cavazzini e il Museu Etnografic a saran vierts dal martars ae domenie di 10.30 a 17. Ducj i museus a saran sierâts il lunis. I oraris des mostris provisoriis a saran fissâts volte par volte. E reste in vore, cun di plui, la promozion che e previôt la jentrade sore nuie a ducj i Civics Museus ogni prime domenie dal mês. A cambiin ancje i oraris dal bus che al pee place Libertà al cuel dal Cjistiel e che di vuê al sarà operatîf ogni sabide e domenie di 10.30 a 12.15 e di 14.30 a 16.15.