Iscrizions inmò viertis pai cors di ativitât motorie

La aministrazion comunâl e vise che a son viertis fin ai 30 di Setembar lis iscrizions ai cors di ativitât motorie dolce, che si davuelzaran de fin dal mês fin ai 22 di Dicembar. I cors a son indreçâts a adults e anzians e si davuelzaran dôs voltis a setemane in 8 palestris comunâls: Zardini in vie Padova, SanDomenico in vie Massaua, Carducci in viâl Tricesimo, Vecchaitto in vie San Pietro, Zorutti in vie XXX Otobre, 4 Novembre in vie Magrini, Fermi in vie Pradamano. Lis iscrizions a saran viertis fin ai 30 di Setembar ai Sportei dal citadin de 2^, 3^, 5^ e 7^ circoscrizion.