Vinars scree pal murales dal condomini “Valle”

Primis screis par “Visioni Urbane”, il progjet pensât par slargjâ la creativitât e par puartâ la art intai spazis publics dal centri e dai cuartîrs udinês. Vinars ai 18 di Setembar, a sîs e mieze sot sere (18.30) alì dal condomini “Valle” in vie Riccardo Di Giusto 86, si varà la presentazion uficiâl di “In Da Hood”, il murales nassût de colaborazion tra istituzions locâls, artiscj e lis associazions “Bravi Ragazzi” e “Macross”. Dopo de scree il public al è invidât alì dal Punto Incontro Giovani par scoltâ la corâl de associazion feminine “La Tela” e par un aperitîf in compagnie. I prossims murales a saran screâts ai 22 di Setembar alì dal cuartîr di S. Domeni. Par savê di plui sul progjet si pues dâ un cuc al blog che si cjate alì de direzion www.visioniurbane.udine.it .