Al vie la setemane de mobilitât sostignibile

Ancje chest an il Comun al partecipe ae setemane europeane de mobilitât sostignibile puartade indenant de Union europeane dai 16 ai 22 di Setembar. La iniziative e je tacade vuê di matine cu la cuinte edizion dal “Giretto d’ Italia” promovût di Legambiente e VeloLove in colaborazion cun Euromobility. Vuê tra siet e mieze e nûf e mieze di matine (7.30 e 9.30) al è stât controlât il numar des personis jentradis in citât in biciclete di vie Mantica e di vie Roma. La setemane europeane de mobilitât sostignibile e previôt però ancje altris apontaments realizâts de aministrazion comunâl adun cun associazions e ents dal teritori che a àn al centri l’ûs de biciclete. Dut il program al è disponibil in rêt sul sît dal Comun. Par vê informazions in plui si pues scrivi al ufici progjetazion, sport e moviment ae direzion sportemovimento@comune.udine.it o clamâ i numars 0432 1272497 o 0432 1272494.