Cui 9 di Lui disponibil il bant par acedi ai fonts PISUS

Al sarà publicât doman, joibe ai 9 di Lui, sul sît internet dal Comun il bant par acedi ai fonts PISUS, o sei il Plan Integrât di Svilup Urban Sostenibil pe ricualificazion dal centri storic. Il bant al met a disposizion contribûts par un milion e 400 mil euros par miorâ la cualitât e l’atrat de ufierte comerciâl, artesanâl e dai servizis par personis e impresis inte aree centrâl di Udin. Lis impresis a àn timp fintremai i 30 di Setembar par presentâ domande. I intervents a varan di partî dentri di 180 dîs de assegnazion dal contribût e i paiaments a varan di jessi fats dentri dai 31 di Dicembar dal 2017. Il contribût al va di un minim di 20 mil euros a di un massim di 100 mil e al pues cuvierzi fin al 80% de spese. Inte assegnazion dai contribûts, dongje dai criteris gjenerâi, si darà plui pês aes ativitâts logadis intes viis che intai ultins agns a àn patît di plui la recession economiche, ma ancje aes ditis individuâls, a chês gjestidis di feminis, di zovins o che a favorissin il lavôr des personis cun plui di 50 agns. Il modul par presentâ la domande e dutis lis informazions dal câs si puedin cjatâ sul sît dal Comun. L’ufici di riferiment pal bant al è il Servizi acuiscj e ativitâts produtivis – Unitât Operative Progjets Europeans (0432 271668).