Alì de Cjase des Feminis si invie “Womens’ Talents”

Inte suaze di UdinEstate a tornin i events aperitîf alì de Cjase des Feminis che chest an i darà spazi ae creativitât cu la iniziative “Womens’ Talents”. I apontaments previodûts a son trê – ai 9, ai 16 e ai 23 di Lui – e a tacaran ducj a sîs e mieze sot sere (18.30) intai locâi di vie Pradamano 21. La idee e je chê di promovi une gare divertente là che feminis di dutis lis etâts a podaran dâ prove dal lôr talent. Par vê informazions e par iscrivisi ae iniziative, metude adun cu la colaborazion de Comission pe paritât, baste scrivi ae direzion di pueste eletroniche casadelledonne@comune.udine.it.