Font cuintri de crisi, fate buine la graduatorie

Il Comun al vise che e je stade fate buine la graduatorie definitive des personis ametudis al contribût comunâl pal “Font straordenari cuintri de crisi 2014”. Pal font il Comun al à metût a disposizion risorsis par un totâl di 500 mil euros. Ai servizis sociâi i son rivadis in dut 3.041 domandis, chês judicadis finanziabilis a son stadis 1.685. I beneficiaris a gjoldaran di un contribût “una tantum” di 250 euros che, in situazions particolârs di dificoltât sociâl o economiche, al podarà lâ sù fin a 300 euros. Ta chestis zornadis ducj chei che a àn fat domande a varan a cjase i risultâts e, dentri de prime setemane di Avost, chei che a àn dirit al contribût a ricevaran la cifre che ur è stade assegnade.