Servizis scolastics dal Comun, preiscrizions inmò viertis

A son ancjemò viertis lis iscrizions ai servizis scolastics dal Comun di Udin che, cun chest an, si puedin fâ ancje par vie telematiche di cualsisei postazion internet. Cun di fat, fin ai 7 di Avost, i gjenitôrs a puedin preiscrivi i lôr fîs ai servizis di ristorazion scolastiche intes scuelis de infanzie, primariis e secondariis di prin grât, ma ancje al doposcuele e al pre e post acet intes scuelis primariis. Baste lâ sul sît dal Comun, ae direzion www.comune.udine.it , e lâ daûr dal percors indicât par davuelzi la operazion. Pai citadins che no àn la pussibilitât di fâ la iscrizion in rêt di cjase, il Comun al à metût a disposizion dai ordenadôrs intes circoscrizions e intai uficis dai Servizis educatîfs in viâl Ungheria 15. Par doprâ chest servizi bisugne però cjapâ un apontament clamant i numars 0432 271444 / 271717 / 271903. Si ricuarde che i Servizis educatîfs a son acessibii il lunis di vot e mieze di matine a cuatri e mieze dopodimisdì (8.30 – 16.30) e il martars, il miercus, la joibe e il vinars di vot e mieze di buinore a misdì e mieç (8.30 – 12.30).