Tari: in spedizion i modei tes cjasis dai contribuents

Il Comun al fâs savê che a tacâ di sabide ai 20 di Jugn a saran mandâts tes cjasis dai contribuents i modei pal paiament dal acont de Tari, la tasse sui refudums pal 2015.
Chest an si podarà paiâ la tasse dome cul model F24 e duncje tal avîs che al stâ par rivâ ai citadins a saran metûts ducj i sclariments sul servizi, i riferiments ai contats, il detai dal calcul de tasse, la scjadince pal paiament e doi modei F24 semplificâts e za compilâts. La Net e fâs cussì savê che il paiament in cont nol sarâ ativât par cui che lu veve domandât. L’acont Tari al podarà jessi paiât in doi moments, ai 15 di Lui e ai 15 di Setembar, o pûr cuntun unic paiament par dut l’impuart dentri de prime scjadince. Par cognossi i dâts riferîts ae tasse sui refudums di ognidun al è pussibil vê acès ae direzion https://sportello.netaziendapulita.it