Al cambie il doposcuele alì de “Via Divisione Julia”

Cul an scolastic 2015/16 al cambie il servizi di doposcuele alì de secondarie di prin grât “Via Divisione Julia”. Cun di fat, la ativitât gjestide in maniere direte dal Comune e larà indenant dome pai fruts za iscrits tal an scolastic a pene finît, intant che il servizi pai gnûfs iscrits al sarà dât in man ae associazion “Genitori Comunità Educante di Udine”. I students che a àn za gjoldût dal servizi e che a vuelin lâ dilunc a fâlu a àn di compilâ il modul par rinovâ la domande di amission e consegnâlu a un dai educatôrs intant dal doposcuele o pûr alì dai uficis di viâl Ungheria 15. Lis gnovis domandis di iscrizion, invezit, a varan di jessi presentadis ae associazion AgeCE alì de parrochie di Padier dai 15 ai 26 di Jugn intes fassis oraris 8.30 – 9.30 e 17.30 – 18.30. Par plui informazions si pues clamâ il 333 2363273 o il 333 3005471.