Premiâts i volontaris pe sigurece dai fruts di scuele

Ancje chest an la Aministrazion comunâl e à volût dâi un ricognossiment uficiâl ai volontaris che, par mês a dilunc, a àn metût a disposizion il lôr timp sore nuie tignint di voli lis areis scolastichis e garantint la sigurece dai fruts cuant che a jentrin e cuant che a jessin di scuele. I volontaris premiâts a son Elido Bassi, Maurizio Dutto, Giuseppe Guerrieri, Ignazio Marino, Maurizio Milanese, Francesco Giuseppe Raimondi e Bruno Ronco che, cun cuasi 700 oris di servizi, a àn presidiât i passaçs su lis viis Baldasseria, Della Faula/Massaua, Padova, Gorizia, Tricesimo e Venezia. Il Comun al spere che al servizi si zontin ancje altris volontaris. Lis domandis si puedin presentâ ogni an, vie pal mês di Avost e vie par chel di Fevrâr. Par cui che al vûl plui informazions baste lâ sul sît: http://autonomielocali.regione.fvg.it/aall/opencms/AALL/Polizia_Locale_e_sicurezza/Volontari/