Ambients, fin ai 22 di Avrîl par notâsi te App

A front de rispueste rivade dai ristoradôrs e dai gjestôrs di ambients par che il lôr locâl al vegni metût dentri inte gnove “App città di Udine”, il Comun al à decidût di spostâ la scjadince par compilâ i modui par aderî. Al è duncje timp ancjemò fin ai 22 di Avrîl par jemplâ il modul che al è a disposizion su la prime pagjine dal sît internet dal Comun (www.comune.udine.it). Dentri de gnove aplicazion par smartphone che il Comun al è daûr a prontâ, si varà un sezion di pueste pal bevi e il mangjâ dulà che si podarà cjatâ ce che la citât e ufrìs ta chest setôr e lis informazions par cui che al cîr un ambient viert. Par informazions plui in detai si pues scrivi ae direzion app@comune.udine.it o clamâ il 0432 271006 dal lunis al vinars di nûf di buinore a misdì (9.00 – 12.00).