La Cjase des feminis e fâs un an!

Al è passât un an di cuant che la Cjase des feminis e à tacât lis sôs ativitâts: laboratoris, cors, mostris, conferencis, concierts ma ancje moments di confront, condivision di progjets e tant altri. Lûc fisic e ideâl volût e poiât dal Comun, La Cjase des feminis “PaolaTrombetti”, che si cjate in Vie Pradamano 21, in pôc timp a je deventade une realtât dulà che centenârs di rapresentantis dal mont feminin, ma ancje dai oms, a àn podût fevelâ e tratâ di tematichis peadis a art, memorie, benstâ e dirit. Ma chest mês di Març al rapresente ancje un altri impuartant inovâl: propit un an fa a je stade rinovade la Comission Pes Pari Oportunitâts dal Comun, grup di lavôr dulà che pe prime volte al è jentrât ancje un om, il president di Arcigay Friuli Giacomo Deperu in rapresentance di dutis lis associazions omosessuâls e transessuâls.