Vierte al trafic la gnove taronde di Godie

A son rivâts insom îr i lavôrs pe gnove taronde di Godie e la aree e je stade tornade a vierzi ae circolazion. Pe opare il Comun di Udin al à metût sù par jù 200 mil euros. L’intervent al veve chê di meti in sigurece une trate stradâl avonde pericolose là che prime si veve la crosere tra vie Cividine e la strade provinciâl n. 15 di Faedis. I lavôrs a son stâts puartâts insom par timp massime in gracie di un acuardi tra i Comuns di Udin e di Tavagnà e la Provincie di Udin che al à permetût di rindi plui sclagnis lis proceduris burocratichis. Intal framieç, il Comun al à fat bon il progjet definitîf par une taronde su vie Bariglarie pensade par meti in sigurece un altri pont critic de viabilitât citadine.