Cors di alfabetizazion digjitâl alì de Cjase des feminis

Cun lunis ai 23 di Fevrâr si vierzin lis iscrizions al cors di alfabetizazion digjitâl di prin nivel che la associazion “SeNonOraQuando”, adun cu la Comission pe paritât dal Comun di Udin, e inmanee alì de Cjase des feminis di vie Pradamano. Lis lezions a son indreçadis aes feminis che a àn chê di miorâ lis lôr competencis informatichis e a son sore nuie. Sîs, in dut, i modui che a son dividûts in doi incuintris settimanâi di dôs oris ognidun, il lunis dopodimisdì di trê a cin (15.00 – 17.00) e la joibe di sîs a vot di sere (18.00 – 20.00). La prime lezion e je in program lunis ai 16 di Març, ma za cui 9 dal mês si varà un prin incuintri par stazâ lis competencis informatichis des corsistis. Par iscrivisi si pues telefonâ li de Cjase des feminis al 0432 271024 (il lunis dopodimisdì di trê fin cinc) o scrivi ae direzion casadelledonne@comune.udine.it .