In vore lis misuris cuintri dal incuinament atmosferic

La Agjenzie Regjonâl pe Protezion dal Ambient e previôt un altri superament dal valôr massim pai polvars lizêrs. La Aministrazion comunâl e vise duncje che fintremai la miezegnot di sabide ai 21 di Fevrâr a saran in vore lis misuris previodudis dal Plan di azion comunâl par limitâ l’incuinament atmosferic. Ta cheste dade duncje, in plui dal invît a limitâ l’ûs dai veicui privâts, si previôt l’oblic di sbassâ di 20 a 18 grâts lis temperaduris mediis intai edificis.