Lavôrs in Zardin Grant, novitâts pe circolazion

Il Comun al vise che, par permeti di meti jù elements prefabricâts e di lâ indenant cui lavôrs alì dal cantîr pal gnûf parc machinis sot tiere di Zardin Grant, cun lunis ai 16 di Fevrâr e par doi mês a dilunc, la circolazion su ducj e doi i sens di viâl della Vittoria e sarà sierade al trafic. Ta cheste dade di timp duncje, gjavât il câs des personis autorizadis a jentrâ intes areis a trafic limitât des viis Liruti e Giovanni da Udine, no si podarà circolâ inte trate jenfri la place e vie Liruti. Il trafic che al rive di plaçâl Osoppo al sarà indreçât su vie Diaz, chel che al rive di Sud une volte jentrât in Zardin Grant al varà di cjapâ vie Sant’Agostino, chel che al passe par dongje di Madone des Graciis al varà di lâ a çampe bande place Patriarcato.