Cun lunis il sportel unic si sposte a palaç D’Aronco

Il Comun al vise che di lunis ai 9 di Fevrâr i uficis dal sportel unic, cumò logâts in vie Girardini, a saran spostâts dentri di palaç D’Aronco, in vie Lionello 1, al secont plan. Par permeti chest spostament i uficis a son sierâts al public sei ai 5 che ai 6 di Fevrâr. Cui 9 di Fevrâr il sportel al sarà viert cun chescj oraris: la matine dal lunis di undis a misdì e mieç (11.00 – 12.30), il miercus e il vinars di matine di dîs a misdì e mieç (10.00 – 12.30).