Oraris gnûfs pes Officine Giovani

Lis Officine Giovani dal Comun di Udin a cambiin i oraris di viertidure pal public cun chê di vignî incuintri aes dibisugnis dai fantats. Il centri di plaçâl Valle del Bût al sarà viert ducj i dopodimisdîs e fin sere, dal martars al vinars, di cinc mancul un cuart a dîs mancul un cuart (16.45 – 21.45). Cun di plui, i locâi a saran davierts ancje la sabide dopodimisdì, di dôs e mieze a sîs e mieze (14.30- 18.30). Lis oris plui tardis (di sîs e mieze indenant) e lis zornadis di miercus e di joibe – e sclarìs la assessore pe educazion, pal sport e pai stîi di vite, Raffaella Basana – a son pensadis massime par cui che al dopre lis salis provis pe musiche, pal teatri o par balâ, ma ancje pal svilup di progjets o par doprâ lis postazions internet. Par informazions plui in detai si pues lâ sul sît www.comune.udine.it sot de vôs agenziagiovani/officinegiovani o pûr su la pagjine Facebook di Officine Giovani.