In partence un cors par dâi vite gnove ai vistîts

Mudâ i vistîts doprâts o vieris in alc di gnûf di podê tornâ a meti sù e cence spindi un franc. Al è l’intindiment di un cors che in curt si inviarà alì de Cjase des feminis dal Comun di Udin. La iniziative – cemût che e spieghe la assessora Cinzia Del Torre – e permet di cubiâ la creativitât cu la idee dal riûs, e e fâs part di un percors “Spazi, idee esperienze” che al gjolt ancje de poie finanziarie de Comission regjonâl pe paritât. Il cors si svilupe su trê lezions che si tignaran ai 11, ai 18 e ai 25 di Fevrâr, di cuatri e mieze dopodimisdì a siet e mieze sot sere (16.30 – 19.30), alì dai spazis di vie Pradamano 21. I puescj a disposizion a son une disine e, pes mamis, al è ancje a disposizion un servizi par viodi dai fruts. Lis lezions a son stadis progjetadis dal DARS (Donna Arte Ricerca Sperimentazione) di Udin e a son indreçadis ancje a cui che nol à esperience, pûr che al sedi bon di doprâ une machine di cusî. Par iscrivisi o par vê informazions in plui si pues scrivi ae direzion: giuliarinaldi@icloud.com .