Oraris dai uficis comunâi

Cuasi ducj i uficis dal Comun a saran sierâts vinars 2 e lunis 5 di Zenâr. Ai 2 e ai 5 di Zenâr a restaran vierts i uficis di stât civîl, in vie Beato Odorico da Pordenone, di 9 a 12 e a saran operatîfs il servizi di Polizie locâl, l’ufici ativitâts economichis, i servizis dai cimitieris e lis onorancis funebris e l’ufici statistiche. La pissine di vie Ampezzoe e sarà vierte ai 2, ai 3 e ai 5 di Zenâr e la Ludoteche comunâl e sarà vierte ai 2 e ai 3. I sportei de anagrafe intes sedis des ex circoscrizions a saran sierâts dai 22 di Dicembar ai 31 di Zenâr 2015. I Museus Civics a saran sierâts ai 25 di Dicembar e il Prin di Zenâr e a saran vierts ai 26 di Dicembar e ai 6 di Zenâr. Ai 24 e ai 31 di Dicembar i Museus comunâi a saran vierts fin a 13.