Si svicine la scjadince par Tasi, Tari e Imu

Intal comun di Udin la seconde rate de Tasi e sarà plui basse di chê paiade in Jugn, dal moment che intal moment di fâ bon il belanç la aministrazion e à rivât a sbassâ la alicuote dal 2,5 al 2,2 par mil. L’implant de tasse, cemût che al è stât pensât dal guvier talian, nol permet invezit di modulâ il paiament daûr dal redit, ma dome di previodi une esenzion totâl pai redits plui bas. Il sclariment al è rivât ta chestis zornadis de assessore comunâl pal belanç, Cinzia Del Torre, che e à ancje zontât che, contrari de plui part dai Comuns, chel di Udin al à decidût di spedî a cjase dai citadins i modui precompilâts F24 che a coventin pal paiament. La date ultime par paiâ la Tasi e je chê dai 16 di Dicembar. Ai 30 di Dicembar e scjât invezit la Tari, o sei la tasse su lis scovacis, che ta chestis zornadis i citadins a varessin di ricevi a cjase i boletins pal paiament. Par finî e je la Imu, che i uficis dal Comun a son a disposizion par dutis lis informazions e che, si pues ancje calcolâ di cjase, par mieç di un sisteme disponibil sul sît internet dal Comun.