Intai museus civics al è in vore l’orari invernâl

Il Comun al vise che di cheste setemane e fintremai ai 3 di Mai dal 2015 al è in vore l’orari invernâl dai museus civics. I sîts espositîfs a saran vierts di martars a domenie di dîs e mieze di matine a cinc dopodimisdì (10.30 – 17.00). Ta cheste dade di timp, ma dome tes sabidis e tes domeniis, al sarà in vore ancje il bus che di place Libertà al mene sù in cjistiel (orari: di 10.30 a 12.30 e di 14.30 a 16.30).