Bant pal ûs e pe gjestion dal implant sportîf “Centazzo”

Il Comun al à publicât un avîs pal afidament de concession di ûs e de gjestion dal implant sportîf “Centazzo” di vie Joppi e vie della Roggia. Lis manifestazions di interès par partecipâ ae selezion a àn di rivâ alì dal ufici protocol dal Comun dentri di misdì e un cuart (12.15) dai 22 di Setembar. Il bant, che al previôt une concession di trê agns, al è viert a societâts e associazions di balon cence finalitât di vuadagn che a operin inte aree là che si cjate l’implant. Cui che al è interessât al varà di presentâ une ufierte economiche al ribàs rispiet al contribût anuâl pal concors intes spesis di gjestion, che al è di 47 mil euros. La gjestion dal implant e previôt la viertidure, la sierade, la netisie e la custodie de struture. Pai detais sul bant si pues contatâ i uficis comunâi pal sport (viâl Ungheria 15).