Adesion ae setemane europeane de mobilitât

Ancje Udin e partecipe ae setemane europeane de mobilitât, in program dai 15 ai 21 di Setembar. Pe ocasion la aministrazion comunâl e à metût adun un program siôr di events, in colaborazion cu la associazion Fiab. Il prin apontament “Scegliamo la bici” al è in program vuê, vinars 12 a 18, al cine Visonario, cu la scree de mostre Bici DOc e la premiazion dal concors fotografic “Shopping in biciletta”, metude adun di aBicitUdine par promovi il progjet ABiCinCITTA. I apontaments a laran indenant a tacâ di martars 16 e a previodin 2 corsis in bici, martars 16 e joibe 18, ae scuvierte de citât, miercus 17 a 18 inte Librarie Feltrinelli al sarà presentât il libri “Compratevi una biciletta!Come uscire dalla dipendenza da automobile e cambiare la propria vita”, vinars 19, simpri a 18 ae Feltrinelli al è in program l’incuintri “Udine come la vorremmo”, su la mobilitât urbane, sabide 20 a torne la cicloficine in citât in Largo Pecile. Il program si sierarà domenie 21 cuntune corse dilunc de ciclovie Alpe Adria di Udin a Aquilee. La partence e je in program a 9 dal Parc Moretti, par tornâ indaûr di Aquilee al sarà doprât il servizi sore nuie BICI+BUS- linie Mâr citât ativât de Regjon, fin ai 12 di Otubar.