Conference stampe di presentazion di Friuli Doc

Conference stampe di presentazion vinars ai 5 di Setembar a 12 in sale Ajace de XX edizion di Friuli Doc, la plui grande rassegne enogastronomiche de Regjon, in program dai 11 ai 14 di Setembar. Ae conference stampe a parteciparan il sindic, Furio Honsell, l’assessôr pes ativitâts produtivis e turistichis, Alessandro Venanzi e i rapresentants de Regjon, de Provincie, dal Ersa, de Cjamare di Cumierç, de Cna, de Confartesanât e tancj protagoniscj de manifestazion. Vinars a tacâ de matine sul sît uficiâl de rassegne www.friuli-doc.it, sul profîl di facebook “Friuli DOC” e sul sît internet dal Comun al sarà pussibil dâ une voglade al program e discjamâ lis mapis interativis.