53 puescj in plui intai marcjâts citadins

Il Comun al met a disposizion cuntun bant di gare 53 puescj pal esercizi dal cumierç intai marcjâts citadins. Il bant, publicât vuê, lunis prin di Setembar, al sarà viert fin ai 30 di Setembar. La plui part dai puescj, 36 su 53, a saran a disposizion in place XX Settembre: 13 pal marcjât dal martars, 7 par chel de joibe, 15 par chel dal vinars e 1 par chel de sabide. I altris puescj a saran a disposizion intai marcjâts des rosis e des specialitâts stagjonâls di place Matteotti e intai marcjâts di vie Zanon, vie Riccardo Di Giusto e dai cimitieris urbans. Lis domandis a varan di sei presentadis al Ufici Protocol dal Comun dentri di 12.15 dai 30 di Setembar o a podaran sei mandadis traviers la pueste eletroniche certificade ae direzion protocollo@pec.comune.udine.it. Il bant e i modui a puedin sei discjamâts dal sît dal Comun www.comune.udine.it inte sezion Bants, concors, incarghis e garis telematichis. Par informazions al è pussibil metisi in contat cul ufici Cumierç dal Servizi ativitâts economichis e turistichis, clamant il numar 0432-271.339/331/360.