Limitazions al trafic e ae circolazion par intervents stradâi

La Polizie locâl e informe che a tacâ di vuê, lunis ai 28 di Lui, par su par jù dôs setemanis, a son in program dai lavôrs su lis stradis citadinis. A saran cussì in vore limitazions al trafic e ae circolazion a tacâ di vuê fin a vinars ai 28 di Avost. Intervents ae rêt di teleriscjaldament in plaçâl Osoppo, in vie San Daniele, in vie di Toppo, in vie Volontari della Libertà e in vie Caccia. Lavôrs peâts ae rêt di teleriscjaldament ancje in vie Pordenone, inte trate tra vie Ampezzo e vie Sacile e inte trate di viâl Volontari della Libertà a vie San Vito. Limitazions ae circolazion in vie Cadore, viâl Venezia, via Chiusaforte e vie Pieri pai intervents ae rêt Enel. A van indenant i lavôrs di conession ae rêt dal teleriscjaldament intal cuartîr Villaggio Del Sole, i intervents di cuince dai arbui sul sorepàs di viâl Palmanova, i lavôrs par butâ jù la rêt dal gas in viâl Tricesimo e par asfaltâ la strade in viâl delle Ferriere.