Nissun alarmisim pe capacitât di acet dai nîts comunâi

“Intai nîts de citât nol è nissun davoi, il Comun di Udin al pues garantî che intes struturis comunâls si varà la stesse capacitât ricetive dal an passât”. Il sindic di Udin, Furio Honsell, e la assessore pe educazion, Raffaella Basana, a rispuindin cussì a cui che al veve jevât dubis in proposit e a spieghin che i uficis comunâi a son daûr a contatâ ducj i gjenitôrs par informâju che a puedin lâ a perfezionâ la domande di iscrizion dai lôr frutins alì dai uficis stes. Un tant al vâl sei pes scuelutis dal comun, sei par chês convenzionadis cul Comun. “Par chest – a zontin – no je nissune reson paer alarmâsi”.