Al vie doman la rassegne “Think&Drink”

E tache doman, joibe ai 10 di Lui, la rassegne “Think&Drink”, il cicli di cinc incuintris inmaneâts de Cjase des feminis e dal assessorât e de comission pe paritât om e femine dal Comun, in program inte gnove sede de Cjase des feminis , in vie Pradamano 21. A screâ la iniziative, doman a 19, al sarà l’apontament dedicât a “La Casa internazionale delle donne di Trieste”. I incuintris a laran indenant vinars ai 11 di Lui, simpri a 19, cun “Memorie della tela”, joibe ai 17 di Lui cutun incuintri su la toponomastiche feminîl, martars ai 22 di Lui cun “Diritti delle donne nella quotidianità”. La rassegne si sierarà joibe ai 31 di Lui cul incuintri “Diventare madre e sentirsi triste”. Ducj i incuintris a tacaran a 19 e a saran compagnâts di un aperitîf.