Passe 3 mil cuintâi di sâl par tignî lis stradis netis de nêf

E je stade une gnot penze di lavôr pal personâl de Net, par chel dal Comun e pai volontaris de protezion civîl che a àn cuviert 3 mil 500 chilometris e butât passe 3 mil cuintâi di sâl in pocjis oris par butâ sâl e netâ vie la nêf che e jere daûr a vignî jù. I prins intervents a son tacâts îr (11 di Fevrâr) tor 5 dopodimisdì e si son sierâts vuê di matine a 11. Si à tacât prime cui ponts critics – sorepàs e tarondis – e su la viabilitât principâl, par passâ dopo a chê secondarie, cundut che la intensitât de neveade e à obleât i mieçs a tornâ a passâ plui voltis dilunc des stradis principâls par tignîlis netis. Dal moment che usgnot si previôt che al glaci, a tornaran in vore i mieçs par butâ sâl.