Circolazion limitade in vie Veneto

La polize locâl e fâs savê che, par permeti i lavôrs par meti jù l’asfalt gnûf, cun joibe ai 26 di Jugn e fin vinars ai 11 di Lui la circolazion e sarà limitade in vie Veneto e in vie Cussignacco. Di vot e mieze di buinore a sîs sot sere (8.30 – 18.00) vie Veneto e sarà sierade al trafic inte trate tra vie Gortani e la crosere cun vie dei Molini/Decano. Inte seconde part dai lavôrs e sarà invezit sierade al trafic, simpri di vot e mieze di buinore a sîs sot sere (8.30 – 18.00), la trate di vie Veneto tra vie Padova e vie Gortani. Par dute la durade dal cantîr, te fasse orarie dai lavôrs, al sarà proibît il passaç fûr che pai residents ancje in vie Verona al dret de crosere cun vie Veneto par sù par jù 30 metris.