Circolazion limitade te aree di vie Pordenone

La Polizie Locâl e fâs savê che, par permeti i lavôrs par meti jù la rêt di teleriscjaldament, cun lunis ai 23 di Jugn e fin a vinars ai 8 di Avost la circolazion inte aree des viis Pordenone, S. Vito e Ermes di Colloredo e varà diviersis modifichis. Modifichis che a saran segnaladis cun cartei sei par visâ i automobiliscj di passaç, sei i residents. Sul imprin i lavôrs a cjaparan dentri la trate di vie S. Vito tra la jentrade dal condomini “alle Alpi” e il numar civic 11, e vie Ermes di Colloredo de crosere cun vie S. Vito fin al civic 25. Dilunc vie dal intervent chestis stradis a restaran sieradis al trafic fûr che pai residents che par lôr al sarà in vore un dopli sens di circolazion. Une volte rivâts insom i lavôrs ta chê trate, il cantîr si spostarà su vie Pordenone dal civic 5 ae crosere cun vie S. Vito.