Presentât il regolament gnûf di Friuli Doc

Presentazion miercus a misdì inte sale zonte dal Comun, a palaç D’Aronco, dal gnûf regolament de edizion di chest an di Friuli Doc, manifestazion in program dai 11 ai 14 di Setembar. Pai 20 agns de manifestazion chest an il Comun al ponte a tornâ ai valôrs de prime edizion. Il regolament al è stât presentât dal assessôr comunâl pes ativitâts produtivis e pal turisim, Alessandro Venanzi. Atenzion ae cualitât e ai prodots tipics dal teritori, in particolâr a chei doc e musiche dome dal vîf. A son chescj i aspiets principâi dal regolament fat bon de zonte comunâl e che al fisse lis normis che i espositôrs e i esercizis publics citadins a varan di rispietà. Stabilîts ancje i oraris di viertidure la joibe di 17.30 a 1 di gnot, il vinars e la sabide di 10 a 2 di gnot e la domenie di 10 a 24. Musiche dal vif joibe fin a 23.30, vinars fin a 24, sabide fin a 1 di gnot e domenie fin a 24.